En! Didicimus ut Deus (Isidorus instruit)
e quattor membris mundum instituerit:
aere tenui, terra firma,
feruente igne, aqua liquida.
Nunc figuram effinxi forma opportuna
ad promptam cognitionem principium rerum.
Ond eallum dysgum monnum is þeos seo englisce endebyrdnes:
fram Byrhtferthus Ramesiensis, gewriten on þam .xviiij. solmonað mmxi ymbe 21:00
Swa swa ge ealle witað, leofan men, wæron ealle middaneardes æðelingas þys monðe togædere on Cancunes sionoðe mid þære geþeahte, þa hæte on þisse eorðe to temprienne. Giestranniht geþingode mon him be þam, ac nyte ic gewis hwæðre hi ealle on eornost spæcon. Her nu is racu dæles þæs gemotes:
Moreleas maðelode, sorgiende spræc, se ðe Boliuiam lange healdan sceolde, gieman þæs grundes:
"Is þæs hata lyfthelm ungelic swiðe
þam ealdum cyle þe we ær cuðon,
gehwær on hamstealle, þe us ure hearra onlag,
þa we hine for his anclænnesse eðian mihton,
ræran ure rice. Næfð he þeah riht gedon
þæt he us hæfð gefeterod fyre to lyfte,
helle þære hatan. Wa la, ahte ic mines herges geweald
and moste ane tid ute weorðan, wyrcan ane winterstunde!"
Þa cwæð Cristiana Feogeres (heo spræc on hire meder geþiode):
"Þat veit ek menn gert hafa jafnan, at dýrlegum veizlum ok samkundum, ok þar er mannval hefir gott saman komit, at menn hafa fram haft heitstrengingar sér til skemmtunar og ágætis, ok em ek þess fús at vér freistim nú þess gamans."
"Svá skal vera," cwæð Camelruna Englacyning. "Þess strengi ek heit, at ek skal kæla ríki mitt svá at þat verðr í .mml. eigi miklu heitara en nú. Ok nú áttu, Leifr," cwæð se cyning, "ok mæltu eigi minna um en ek."
Leifr Eiríksson maðelode:
"Herra, þes strengi ek heit, at ek skal herja í Svíðþjóðu fyrir inar þriðju vetrnætr með því liði er ek fæ til og hafa eltan
Iúlíanum ássung úr landi eða drepit hann ella, með dróni eða slíku; at þriðja kosti skal ek þar eptir liggja."
Biddað ge, þæt Camelruna cyning his beot gelæste; ac Leifr wæs druncen, ond behreowsode his beot on þam ilcan morgene.
fram Beowulf Ecgþeowing, gewriten on þam .xi. þæs ærran geolan mmx ymbe 20:00
Hauete!
Huius ephemeridis Beouulphi monstrorum interfectoris tele magister sum. Mihi nomen est Beda; uenerabilis uocor, at solum a scriptumpueris. Castigabilem me uocat mater mea; exsaturabilis procul dubie non sum.
Multis in rebus uersor: callidus sum scripturarum interpretationis ac computi (multum me uexat si quis ignorat tempora de conseruatione lucis diurnalis, uel si regna falsam dominicam pro puncto commutationis habent), sed etiam arti tediosarum historiarum scribendi indulgeo. Noctibus hic tele magister sum; php:e atque sql:e non loquor, sed intellego--nonnihil. Nunc autem rss recte operatur; vos igitur impello ut subscribeatis! Si pagina mea aliquantum tela 1.0 tactu est, ignoscite mihi peccatori!
fram Beda uenerabilis, gewriten on þam .x. þæs ærran geolan mmx ymbe 20:00
Me man þæt bæd, þæt ic hwæthwugu writan sceolde be þam #wiccanleace þe in urum tide swa wide sie gebodod. La hwæt, ic ondette þæt ic ne understonde fullice þæt þæt man me bæd, for þam þe ic neom wicca, ond nat ic hwæðer galdorcræft sie nu ma þonne hit iu wæs. Ac man biddeð me þis butan twean for þam þe þæt is manna dom be Beowulfe, þæt ic hæðen sie ond þy galdere. Þæt is sceandlic fordom þe ic a þrowian sceal, þeah þe me onhagie þonne hit mine feondas afyrhte. No þy læs eom ic cristenmann hwonne man hit æt me acsie, gelice ond ælc oðer mann sie. Hwæt sceal ic þæs ma secgan? Se ælmihtiga scyppend geaf us agen willan, ond ic hine niote swa me selfan gefremige. Eom ic þy elles þonne ge beoð?
Nu þonne, wiccanleac is an wyrt hwitleace gelic, ac þeos galdorwyrt groweð on þære deorcestan stowe þæs wealdes, ond mon ne mæg hit næfre findan, butan hwonne se mona þurh wolcenþyrle on hire bleda scine. Gif mon hie seoðe ond æte mæge he ungesawen on þam cynesetle sittan. For hwy sceolde þis nu swa nidmicel wesan?
fram Beowulf Ecgþeowing, gewriten on þam .xxviij. blodmonað mmx ymbe 20:00
Leofan men,
Ic hæbbe asend þis gewrit to eow for þam þe me com swiðe oft on gemynd hu geond Angelcynn ealle men cuðon iu englisc sprecan. Is þæt sægd, þæt on þære tide swa micel leornung æghwær in Breotene wære, þæt from sæ to sæ ofer eall þam iglond cild cuðen on englisc singan ond wepan, ond cuhierdas færinga leoð wyrcan; ac nu þæt se ælmihtiga God geond þas eorðan æghwær þa folc beswingð ond þreað þurh yfle cyningas þe hirum lareowum, mynstrum ond leornungcnihtum nealles wuldor oððe welan giefan nyllan, nu is þæt englisc eall gedruren ond mæg man hit earfoðlice forstandan. Swa clæne is seo lar oðfeallenu þæt feawa nu sindon be eastan Humbre þe on englisc writan cunnon; ond ic wende þæt feawerre sindon be westan Humbre. Eac swa in ealdum Englalonde sindon monige lareowas butan hlaforde; monige þara, ond leorningcnihtas eac, sindon þe in batum sittað on þam sæ ond hira wyrd begeomriende westwearð rowað.
Þa ic þa þis eall gemunde, þa gemunde ic eac hu Ceosere fifel iu his agen geþiode geond ealþeode mærsode on his bloge, ond huru unmæte gestreon goldes ond seolfres begeat for þam þe he sende his boc to ælcum bisceopstole on his hlafordes rice, mid æstele eac, ond sceandlice nidgild him of ofgang. La hwæt, neom ic fifel swa swa is þes Ceosere, ac ic mæg wesan blogere swa he; bistondan me strange geneatas, swa swa Hroðgar cyning ond Beda webhlaford--giese leofan men, eall þæt þe ge gesioð is handweorc; þy we geona rss nabbað, for þam þe Beda nis lareow php:es oððe sql:es þara halga geþioda, þeah þe he þa eallunga rædeð. Þy eac swa, ond swelce for þam þe Beda his reste lufað, is her nan gemotsteðe oððe witan, ond þæt is swa hit beon sceal: ne moton steorflice men mid ealra ylda gastum sprecan. No þy læs is min hyht, þæt ure gewritu eow licað. Gebiddað for us synfullum!
fram Beowulf Ecgþeowing, gewriten on þam .xxvij. blodmonað mmx ymbe 19:00